კომპანიის სიახლეები
NEXT ევროპის ბიზნეს ასოციაციას შეუერთდა
EBA-ში გაწევრიანება საერთაშორისო ბიზნესთან თანამშრომლობის ახალ ეტაპს გვიხსნის.
ევროპის ბიზნეს ასოციაციას შევუერთდით და თანამშრომლობაზე, ინოვაციებსა და მდგრად განვითარებაზე ორიენტირებულ ქსელთან კავშირები გავაძლიერეთ. გაწევრიანება Sheraton Grand Tbilisi Metechi Palace-ში გამართული EBA Back Together-ის თანამასპინძლობით აღვნიშნეთ.
საღამომ EBA-ს წევრები, რეგიონული პარტნიორები და საერთაშორისო ბიზნესლიდერები შეკრიბა. ბათუმში დაწყებული ჩვენი საქმიანობა დღეს საქართველოს, არაბთა გაერთიანებულ საამიროებს, კენიასა და ესპანეთს მოიცავს. EBA-სთან ერთად გამოცდილების გაზიარებას, ახალი პარტნიორობების ჩამოყალიბებასა და საქართველოს საერთაშორისო ბიზნესგარემოს განვითარებაში მონაწილეობას ვგეგმავთ.